*

Miðvikudagur, 25. mars 2015 | Ritstjórn Sport.is | frettir@sport.is | @sport_is á Twitter

Patrekur Jóhannesson hættir með Hauka eftir tímabilið

Patrekur Jóhannesson

Patrekur Jóhannesson

Patrekur Jóhannesson, þjálfari karla liðs Hauka í Olís deildinni, kemur til með að láta af störfum sem þjálfari liðsins að tímabilinu loknu.

Verkefni Patreks með austurríska landsliðinu eiga að aukast á næstu árum í kjölfarið á fimm ára samningi sem tekur gildi í haust.

Verkefni hans erlendis munu aukast á þessum árum og því verður honum ekki kleift að þjálfa Hauka liðið samhliða því austurríska.

Fréttatilkynning Hauka má sjá hér fyrir neðan í heild sinni.

Fréttatilkynning Hauka: 
„Patrekur Jóhannesson hefur nýtt sér ákvæði í samningi sínum við handknattleiksdeild Hauka og mun því ljúka störfum sem þjálfari meistaraflokks karla hjá félaginu að loknu yfirstandandi tímabili. Verkefni Patreks hjá landsliði Austurríkis munu færast í aukana í kjölfar nýs fimm ára samnings hans við austurríska handknattleikssambandið sem  tekur gildi í haust. Þau verkefni munu krefjast enn frekari viðveru utan landsteinanna á komandi misserum. Af þeim sökum verður Patreki ekki kleift að sinna þjálfun meistaraflokks Hauka samfara landsliðsþjálfuninni. Handknattleiksdeild Hauka hefur verið verið afar ánægð með störf Patreks sem hafa einkennst af mikilli fagmennsku og heilindum. Framundan eru spennandi vikur þar sem úrslit munu ráðast í Íslandsmótinu og mun Patrekur að sjálfsögðu stjórna liði Hauka af fullum krafti á þeirri vegferð."